நிதி முறைகேடு குற்றச்சாட்டு: WHO தென்கிழக்காசிய பிராந்திய பணிப்பாளர் சைமா வாஜெட் ராஜினாமா

உலக சுகாதார ஸ்தாபனத்தின் தென்கிழக்காசியப் பிராந்திய பணிப்பாளரும், பதவியிழந்த பங்களாதேஷ் முன்னாள் பிரதமர் ஷேக் ஹசீனாவின் மகளுமான சைமா வாஜெட், தன் மீதான நிதி முறைகேடு மற்றும் மோசடி தொடர்பான விசாரணைகளுக்கு மத்தியில் பதவி விலகியுள்ளார்.

உலக சுகாதார ஸ்தாபனம் மற்றும் பங்களாதேஷ் அதிகாரிகளால் முன்னெடுக்கப்பட்ட விசாரணைகளைத் தொடர்ந்து, அவர் புதன்கிழமை (09) தனது பதவி விலகல் கடிதத்தை உலக சுகாதார ஸ்தாபனத்தின் பணிப்பாளர் நாயகம் டெட்ரோஸ் அதானோம் கெப்ரேயேசஸிடம் சமர்ப்பித்துள்ளார்.

2024ஆம் ஆண்டின் ஆரம்பத்தில் ஐந்து ஆண்டுகால பதவிக் காலத்திற்காகத் தெரிவுசெய்யப்பட்ட சைமா வாஜெட் மீது, பங்களாதேஷ் ஊழல் எதிர்ப்பு ஆணைக்குழு 2025ஆம் ஆண்டு மார்ச் மாதம் மோசடி மற்றும் ஆவண மோசடி தொடர்பான குற்றச்சாட்டுகளைப் பதிவு செய்திருந்தமை குறிப்பிடத்தக்கது.