ஈரான் ட்ரோன்களை வீழ்த்த அமெரிக்காவின் புதிய லேசர் ஆயுதம்: ஹார்முஸ் ஜலசந்தியில் அதிரடி நிலைநிறுத்தம்!

உலகளாவிய கச்சா எண்ணெய் வர்த்தகத்தில் மிக முக்கிய கடல்வழியாகத் திகழும் ஹார்முஸ் ஜலசந்திப் பகுதியில் அமெரிக்கப் போர்க்கப்பல்கள் மற்றும் வணிகக் கப்பல்களை இலக்கு வைத்து ஈரானிய ட்ரோன்கள் உளவு பார்ப்பதாகவும், அச்சுறுத்தல் அளிப்பதாகவும் அமெரிக்க பாதுகாப்புத் துறை குற்றம் சாட்டி வந்தது.

இதனை எதிர்கொள்ளும் வகையில், ஒளிவேகத்தில் பாய்ந்து ட்ரோன்களைத் துல்லியமாகச் சுட்டு வீழ்த்தும் அதிநவீன லேசர் ஆயுத அமைப்புகளை அமெரிக்க கடற்படை தனது போர்க்கப்பல்களில் பொறுத்தியுள்ளது. வழக்கமான ஏவுகணைகளை விட மிகக் குறைந்த செலவில், துல்லியமாக இலக்குகளை அழிக்கும் திறன் கொண்ட இந்த லேசர் தொழில்நுட்பம், ஈரானின் ட்ரோன் அச்சுறுத்தல்களுக்குப் பெரிய முற்றுப்புள்ளியாக அமையும் என எதிர்பார்க்கப்படுகிறது.

அமெரிக்காவின் இந்த அதிரடி நடவடிக்கை காரணமாக, ஹார்முஸ் ஜலசந்தி மற்றும் ஓமன் வளைகுடா பகுதியில் இராணுவக் கண்காணிப்பு தீவிரப்படுத்தப்பட்டுள்ளதுடன், அப்பகுதியில் மீண்டும் பதற்றமான சூழல் நிலவி வருகிறது.