நேபாளத்தில் QR குறியீடு மூலம் உயிரிழந்தவர்களை அடையாளம் காணும் முயற்சி

நேபாளத்தில் பல மருத்துவமனைகளின் பிணவறைகள் நிரம்பியுள்ள நிலையில், உயிரிழந்தவர்களின் உடல்களைப் பாதுகாக்கவும், உறவினர்கள் அவர்களை அடையாளம் காணவும் நேபாள காவல்துறை QR குறியீடு தொழில்நுட்பத்தை பயன்படுத்தத் தொடங்கியுள்ளது.

மீட்கப்பட்ட உடல்கள் மற்றும் உடல் பாகங்களின் புகைப்படங்கள், கைரேகைகள், உடலமைப்பு விவரங்கள் உள்ளிட்ட தகவல்கள் சேகரிக்கப்பட்டு பட்டியலிடப்பட்டுள்ளன.

இந்த தகவல்களை பொதுமக்கள் அணுகும் வகையில் QR குறியீடுகள் உருவாக்கப்பட்டு, நேபாள காவல்துறையின் அதிகாரப்பூர்வ Facebook பக்கத்தில் வெளியிடப்பட்டுள்ளன.

உறவினர்கள் QR குறியீட்டை ஸ்கேன் செய்து, அதில் உள்ள விவரங்களை தங்களது குடும்ப உறுப்பினர்களின் தகவல்களுடன் ஒப்பிட்டு உயிரிழந்தவர்களை அடையாளம் காண முடியும்.

தேவையான சந்தர்ப்பங்களில் DNA பரிசோதனையும் மேற்கொள்ளப்படும் என தெரிவிக்கப்பட்டுள்ளது.