காசாவின் தற்போதைய நிலை குறித்து ஏஞ்சலினா ஜோலி உருக்கம்: "மனிதநேய அடிப்படையில் போரை உடனடியாக நிறுத்துங்கள்!"

காசாவில் ஏற்பட்டுள்ள இந்த பேரழிவின் கொடூரத்தை விளக்கும் கூகுள் எர்த் புகைப்படங்களை பிரபல ஹாலிவுட் நடிகையும், ஐக்கிய நாடுகள் சபையின் முன்னாள் தூதருமான ஏஞ்சலினா ஜோலி தனது சமூக வலைத்தளப் பக்கத்தில் பகிர்ந்து தீவிர கவலையை வெளியிட்டுள்ளார்.

போருக்கு முன்பிருந்த காசாவின் செழிப்பான தோற்றத்தையும், தற்போதைய இடிபாடுகளையும் ஒப்பிடும் புகைப்படங்களை பதிவிட்டுள்ள அவர், லட்சக்கணக்கான மக்கள் தங்குமிடமின்றியும், அடிப்படை வசதிகளின்றியும் தவித்து வருவதைச் சுட்டிக்காட்டியுள்ளார்.

மனிதநேய அடிப்படையில் போரை உடனடியாக நிறுத்தி, காசா மக்களுக்குத் தேவையான நிவாரண உதவிகள் தடையின்றி கிடைக்க சர்வதேச சமூகம் உடனடியாக நடவடிக்கை எடுக்க வேண்டும் என்றும் ஏஞ்சலினா ஜோலி உருக்கமாகக் கோரிக்கை விடுத்துள்ளார்.