உங்கள் குழந்தைகள் அதிக நேரம் செல்போன் பார்க்கிறார்களா? காத்துக்கொண்டிருக்கும் பேராபத்துக்கள்!!

இன்றைய டிஜிட்டல் யுகத்தில் குழந்தைகளை அமைதிப்படுத்தவும், உணவூட்டவும் பெற்றோர் கையாளும் மிக எளிய வழியாகச் செல்போன் மாறிவிட்டது. ஆனால், இந்தச் பழக்கம் குழந்தைகளின் உடல் மற்றும் மன வளர்ச்சியைப் தீவிரமாகப் பாதிக்கும் ஆபத்து நிறைந்தது என்பது பலருக்கும் தெரிவதில்லை. குழந்தைகள் அதிக நேரம் செல்போன் பயன்படுத்துவதால் ஏற்படும் ஆபத்துகள் குறித்து வாங்க பார்ப்போம்!

1. மூளை வளர்ச்சி மற்றும் பார்வைத்திறன் பாதிப்பு

செல்போன் திரையில் இருந்து வெளிவரும் நீல நிற ஒளி குழந்தைகளின் பிஞ்சுக் கண்களை நேரடியாகப் பாதித்து, சிறு வயதிலேயே கிட்டப்பார்வை மற்றும் கண் வறட்சிப் பிரச்சனையை ஏற்படுத்துகிறது.

அதிக நேரம் செல்போன் பார்க்கும் குழந்தைகளுக்குக் கவனம் செலுத்தும் திறன் குறைந்து, படிப்பில் ஆர்வம் இல்லாமல் போகிறது.

2. பேசும் திறன் தாமதமாதல்

2 முதல் 3 வயதிற்குட்பட்ட குழந்தைகள் மனிதர்களின் பேச்சு, முகபாவனைகளைப் பார்த்துதான் பேசக் கற்றுக்கொள்கிறார்கள்.

தொடர்ந்து செல்போன் திரையைப் பார்த்துக்கொண்டே இருக்கும் குழந்தைகளுக்குப் பேசும் திறன் தாமதமாவதோடு, பிறருடன் தொடர்புகொள்வதில் சிக்கலும் ஏற்படுகிறது.

3. மனநலம் மற்றும் நடத்தை மாற்றங்கள்

செல்போனைப் பறிக்கும் போது குழந்தைகள் தீவிரக் கோபமடைவது, பொருட்களைத் தூக்கி எறிவது போன்ற பிடிவாதக் குணங்களைக் காட்டுகின்றனர்.

இரவில் செல்போன் பார்ப்பதால் 'மெலடோனின்' என்னும் தூக்க ஹார்மோன் சுரப்பு பாதிக்கப்பட்டு, தூக்கமின்மை மற்றும் உடல் சோர்வு உண்டாகிறது.

4. உடல் பருமன் மற்றும் சுறுசுறுப்பின்மை

ஓடி ஆடி விளையாட வேண்டிய வயதில் ஒரே இடத்தில் அமர்ந்து செல்போன் பார்ப்பதால், குழந்தைகளுக்கு உடற்பயிற்சியின்றி உடல் பருமன் மற்றும் சோம்பல் அதிகரிக்கும்.

பெற்றோர் செய்ய வேண்டிய எளிய தீர்வுகள்!

2 வயதிற்குட்பட்ட குழந்தைகளுக்குச் செல்போன் தருவதைக் முற்றிலும் தவிர்க்க வேண்டும். 2 முதல் 5 வயது குழந்தைகளுக்குத் தினமும் 1 மணி நேரத்திற்கு மேல் கொடுக்கக் கூடாது.

உணவு ஊட்டும் போது செல்போன் காட்டுவதைத் தவிர்த்து, கதைகள் கூறியோ அல்லது நேரடியாகப் பேசியோ உணவளியுங்கள்.

குழந்தைகள் முன் பெற்றோர் அதிக நேரம் செல்போன் பயன்படுத்துவதைக் குறைக்க வேண்டும்.

 மாலையில் குழந்தைகளை வெளிப்புற விளையாட்டுகளில் ஈடுபடச் செய்யுங்கள்.

குழந்தைகளுக்கு நாம் தரும் செல்போன் தற்காலிக அமைதியைத் தரும்; ஆனால் அவர்களின் எதிர்கால ஆரோக்கியத்தைப் பறித்துவிடும்!