'நெஞ்சில் குடியிருக்கும்'... முதலமைச்சர் விஜய்யின் லைஃப் ஸ்டோரிக்கு அஸ்வத் மாரிமுத்துவின் வைரல் டைட்டில்!

தமிழகத்தின் முன்னணி இயக்குநர்களில் ஒருவரான அஸ்வத் மாரிமுத்து, சமீபத்திய நிகழ்வு ஒன்றில் கலந்துகொண்டபோது முதலமைச்சர் விஜய்யின் வாழ்க்கை வரலாற்றுப் படம் குறித்துப் பேசி இணையத்தில் கவனத்தை ஈர்த்துள்ளார்.  

"ஒருவேளை விஜய்யின் பயோபிக்கை இயக்கும் வாய்ப்பு கிடைத்தால், அந்தப் படத்திற்கு 'நெஞ்சில் குடியிருக்கும்' என்று தலைப்பு வைப்பேன்" என அவர் உற்சாகத்துடன் தெரிவித்துள்ளார்.

மேலும், அந்தப் படத்தின் கற்பனைத் திரைக்கதை அமைப்பு குறித்து அவர் கூறுகையில்

முதல் பாதி தமிழ் திரையுலகில் ஒரு சாதாரண நடிகராக நுழைந்து பிரம்மாண்ட உச்சத்தைத் தொட்ட விஜய்யின் சினிமா பயணமாக இருக்கும். 

 இடைவேளைக் காட்சி உச்சக்கட்ட புகழில் இருக்கும்போது திரையுலகை விட்டு விலகி, தீவிர அரசியலில் களம் இறங்க அவர் எடுத்த தீர்மானமான முடிவுதான் படத்தின் மாஸ் இன்டர்வெல் பிளாக்காக அமையும்.

இரண்டாம் பாதி மக்களுக்கான அரசியல் களம் மற்றும் அவர் முதலமைச்சராக உருவெடுத்த வரலாற்று நிகழ்வுகளை மையமாகக் கொண்டு நகரும்.என அவர் தெரிவித்துள்ளார்.

தற்போது இத்தகைய பயோபிக் குறித்த அதிகாரப்பூர்வ அறிவிப்புகள் எதுவுமில்லை என்றாலும், அஸ்வத் மாரிமுத்துவின் இந்த சுவாரசியமான யோசனை விஜய் ரசிகர்களாலும் திரையுலக வட்டாரங்களாலும் சமூக வலைதளங்களில் பெருமளவில் பகிரப்பட்டு வருகிறது.