மூத்த தலைவர்களைப் பின்னுக்குத் தள்ளி சாதனை: பிரதமர் ரேஸில் விஜய் 3-வது இடம்!

இந்தியாவின் அடுத்த பிரதமர் யார் என்பதற்கான தேசிய அளவிலான பிரபல கருத்துக்கணிப்பில், பிரதமர் நரேந்திர மோடி மற்றும் எதிர்க்கட்சித் தலைவர் ராகுல் காந்திக்கு அடுத்தபடியாக தமிழக வெற்றிக் கழகத் தலைவரும் தமிழக முதலமைச்சருமான விஜய் 3-ஆம் இடத்தைப் பிடித்து தேசிய அரசியலில் பெரும் ஆச்சரியத்தை ஏற்படுத்தியுள்ளார்.

நாட்டின் அடுத்த பிரதமராக யார் வர வேண்டும் என்ற கேள்விக்கு 48.7 சதவீத வாக்குளுடன் பிரதமர் நரேந்திர மோடி தொடர்ந்து முதலிடத்தில் நீடிக்கிறார்.

காங்கிரஸ் தலைவர்களில் ஒருவரான ராகுல் காந்தி 27.1 சதவீத ஆதரவுடன் இரண்டாவது இடத்தில் உள்ளார்.

தேசிய அளவில் நடத்தப்பட்ட இந்தக் கருத்துக்கணிப்பில் தமிழகத்தின் முதலமைச்சர் விஜய் 9.2 சதவீத ஆதரவைப் பெற்று 3-ஆம் இடத்தைப் பிடித்துள்ளார்.

தேசிய அரசியலில் நீண்ட அனுபவம் கொண்ட திரிணாமுல் காங்கிரஸ் தலைவர் மம்தா பானர்ஜி (2%), சமாஜ்வாதி கட்சித் தலைவர் அகிலேஷ் யாதவ் (1.7%) மற்றும் ஆம் ஆத்மி தலைவர் அரவிந்த் கெஜிரிவால் (1.2%) போன்ற பல மூத்த தலைவர்களைப் பின்னுக்குத் தள்ளி விஜய் இந்த இடத்தைப் பிடித்துள்ளது குறிப்பிடத்தக்கது.

கட்சித் தொடங்கி குறுகிய காலத்திலேயே தேசிய அளவிலான அரசியல் கருத்துக்கணிப்பில் விஜய் 3-ஆம் இடத்தை எட்டியிருப்பது தவெக தொண்டர்களிடையே பெரும் உற்சாகத்தை ஏற்படுத்தியுள்ளது.