மந்தகதியில் பந்துவீச்சு: பாகிஸ்தான் மற்றும் இலங்கை அணிகளுக்கு ஐ.சி.சி அபராதம்!

ஒதுக்கப்பட்ட நேரத்தைக் காட்டிலும் பாகிஸ்தான் அணி 2 ஓவர்களும், இலங்கை அணி 1 ஓவரும் குறைவாகப் பந்துவீசியமை கண்டறியப்பட்டதை அடுத்து, ஐ.சி.சி போட்டி நடுவர் ஜெஃப் குரோ இந்த அபராதத்தை விதித்தார்.

இதன்படி, பாகிஸ்தான் அணி வீரர்களுக்கு அவர்களின் போட்டித் தொகையில் 10 சதவீதமும், இலங்கை அணி வீரர்களுக்கு 5 சதவீதமும் அபராதமாக விதிக்கப்பட்டுள்ளது.

அணிகளின் தலைவர்களான ஷஹீன் ஷா அஃப்ரிடி மற்றும் குசல் மெண்டிஸ் ஆகியோர் இக்குற்றச்சாட்டுகளை ஒப்புக்கொண்டதால், உத்தியோகபூர்வ விசாரணைகள் இன்றி தண்டனைகள் நடைமுறைப்படுத்தப்பட்டுள்ளன.