வெற்றியின் மிரட்டலான 'BURIED' ஃபர்ஸ்ட் லுக்!

'8 தோட்டாக்கள்' படத்தின் மூலம் கவனம் ஈர்த்த நடிகர் வெற்றி, இப்படத்தில் முற்றிலும் மாறுபட்ட என்கவுண்டர் போலீஸ் அதிகாரி கதாபாத்திரத்தில் களமிறங்குகிறார்

 'வெப்' படத்தை இயக்கிய இயக்குநர் ஹாரூண் இப்படத்தின் கதை எழுதி இயக்கியுள்ளார். ட்ரீம் ஹவுஸ் நிறுவனம் மற்றும் ஜெயின் கிரியேஷன்ஸ் இணைந்து இப்படத்தைத் தயாரித்துள்ளன.

இப்படத்திற்கு ஜான் ராபின்ஸ் இசையமைக்க, கே.வி. கிரண் ஒளிப்பதிவு செய்துள்ளார். மேலும், படத்தொகுப்புப் பணிகளை டான் போஸ்கோ கவனித்துள்ளார்.  

சென்னை, கோயம்புத்தூர், ஏலகிரி மற்றும் கொடைக்கானல் உள்ளிட்ட பல்வேறு அழகிய மற்றும் முக்கியப் பகுதிகளில் இப்படத்தின் படப்பிடிப்புகள் விறுவிறுப்பாக நடத்தப்பட்டு நிறைவடைந்துள்ளன. 

போலீஸ் அதிகாரியாக வெற்றியின் அதிரடி ஆக்‌ஷன் அவதாரத்தைக் காண ரசிகர்கள் ஆவலுடன் காத்திருக்கும் நிலையில், படத்தின் அதிகாரப்பூர்வ வெளியீட்டுத் தேதி குறித்த அறிவிப்பு விரைவில் வெளியாகும் என்று படக்குழு தெரிவித்துள்ளது.