பருவமடைதலை வைத்து திருமணப் பொருத்தம் பார்க்கலாமா? - ஜோதிட மற்றும் அறிவியல் உண்மைகள்!

ஆனால், இது எந்த அளவுக்கு அறிவியல் மற்றும் ஜோதிட ரீதியாக உண்மையானது என்பது குறித்து பலரும் சிந்திப்பதில்லை.

 பழைய காலத்தில், பெண் குழந்தை பூப்படைந்த (பருவமடைந்த) லக்னம், நட்சார்த்தம் மற்றும் வாரத்தைக் கொண்டு, கணவன் எப்படிப்பட்டவராக இருப்பார், குடும்ப வாழ்க்கை எப்படி அமையும் என்பதைக் கணிக்கும் முறைகள் சொல்லப்பட்டுள்ளன. ஜோதிட சாஸ்திரத்தின் சில பிரிவுகளில் இதுகுறித்த குறிப்புகள் இருந்தாலும், பலரும் இதை ஒரு அடிப்படையாக மட்டுமே கொண்டுள்ளனர்.

 மருத்துவ மற்றும் அறிவியல் ரீதியாக, ஒரு பெண் குழந்தை பருவமடைவது என்பது முழுக்க முழுக்க அவளது ஹார்மோன் மாற்றங்கள் , மரபியல், உடல் நலம் மற்றும் ஊட்டச்சத்து நிலையைப் பொறுத்தே அமைகிறது. இது இயற்கையான உயிரியல் நிகழ்வே தவிர, ஒருவரின் எதிர்காலத் திருமண வாழ்க்கையை முன்கூட்டியே தீர்மானிக்கும் காரணி அல்ல.

இன்றைய நவீன காலத்தில், ஒரு ஜோடியின் திருமணப் பொருத்தம் என்பது அவர்களின் ஜாதகத்தில் உள்ள கிரகப் பொருத்தங்கள் (10 பொருத்தங்கள்), குணப் பொருத்தம், உடல் மற்றும் மன ஆரோக்கியம், பரஸ்பரப் புரிதல் மற்றும் வாழ்க்கை இலக்குகளை வைத்தே கணிக்கப்படுகிறது. மாறாக, பல ஆண்டுகளுக்கு முன்பு நிகழ்ந்த பருவமடைதலை அடிப்படையாக வைத்து திருமணப் பொருத்தத்தை நிர்ணயிப்பது பொருத்தமானதல்ல.

பருவமடைதல் என்பது ஒவ்வொரு பெண்ணின் உடல் வளர்ச்சி சார்ந்த ஒரு இயற்கையான உயிரியல் மாற்றமாகும். அதை வைத்து திருமண வாழ்க்கையின் எதிர்காலத்தைத் தீர்மானிப்பது மூடநம்பிக்கையாகவே பார்க்கப்படுகிறது. இன்றைய தலைமுறையினர் பாரம்பரிய நம்பிக்கைகளைக் கடந்தும், பரஸ்பரப் புரிதல், மனம் மற்றும் குணப் பொருத்தத்திற்கே திருமணத்தில் முன்னுரிமை அளிக்க வேண்டும் என்பதே மருத்துவர்களும் சமூக நல ஆர்வலர்களின் கருத்தாக உள்ளது.