'மண்டாடி' படத்திற்கு கிடைத்த சான்றிதழ்... ரிலீஸுக்கு தயாராகும் சூரி!

நடிகர் சூரி கதையின் நாயகனாக நடித்து வரும் 'மண்டாடி' திரைப்படத்தின் தணிக்கை விவரங்கள் வெளியாகியுள்ளன. மதிமாறன் புகழேந்தி இயக்கத்தில் உருவாகியுள்ள இத்திரைப்படத்திற்கு மத்திய திரைப்பட தணிக்கை வாரியம் U/A 16+ சான்றிதழ் வழங்கியுள்ளது.

'செல்ஃபி' திரைப்படத்தை இயக்கிய மதிமாறன் புகழேந்தி இத்திரைப்படத்தை இயக்கியுள்ளார். ராமநாதபுரம் கடல் பகுதிகளில் படகோட்டம் மற்றும் கடல் சார்ந்த விளையாட்டை மையமாகக் கொண்டு பிரம்மாண்டமான முறையில் இத்திரைப்படம் உருவாகியுள்ளது.

முன்னதாக செப்டம்பர் 4 அன்று வெளியாகவிருந்த இத்திரைப்படம், தற்போது செப்டம்பர் 10, 2026 அன்று திரையரங்குகளில் வெளியாகும் என அறிவிக்கப்பட்டுள்ளது.