டெஹ்ரானில் பரபரப்பு: 3 மருத்துவமனைகள் மீது தாக்குதல்! இடிபாடுகளில் இருந்து மீட்கப்பட்ட ஈரான் உச்ச தலைவர் மொஜ்தபா காமேனி!

அமெரிக்கா மற்றும் இஸ்ரேல் படைகள் இணைந்து நடத்திய வான்வழித் தாக்குதலில், ஈரானின் முன்னாள் உச்ச தலைவர் ஆயதுல்லா அலி காமேனி கொல்லப்பட்டார். அந்தத் தாக்குதலின் போது படுகாயமடைந்த அவரது மகன் மொஜ்தபா காமேனி, சிகிச்சைக்காக டெஹ்ரானில் உள்ள மருத்துவமனை ஒன்றில் அனுமதிக்கப்பட்டார்.  இதுகுறித்து ஈரானின் நிபுணர்கள் அவையின் உறுப்பினரான மொஹ்சன் ஹெய்தாரி, கத்தார் நாட்டின் 'அல் அரபி' தொலைக்காட்சிக்கு அளித்துள்ள பேட்டியில் அதிர்ச்சித் தகவலை வெளியிட்டுள்ளார்.

மொஜ்தபா காமேனி காயமடைந்து மருத்துவமனையில் அனுமதிக்கப்பட்ட தகவல் அறிந்ததும், டெஹ்ரானில் உள்ள மூன்று மருத்துவமனைகள் மீது அடுத்தடுத்து தாக்குதல்கள் நடத்தப்பட்டன. அதில் மூன்றாவது மருத்துவமனை இடிந்து விழுந்ததில், அதன் இடிபாடுகளுக்குள் சிக்கிய மொஜ்தபா காமேனி மீட்கப்பட்டார். 

இடிபாடுகளில் இருந்து உயிருடன் மீட்கப்பட்ட பின்னர், 56 வயதான மொஜ்தபா காமேனி இரகசிய இடத்திற்கு மாற்றப்பட்டதாகவும், அதன்பின்னர் அவர் பொதுவெளியில் தோன்றவில்லை என்றும் கூறப்படுகிறது.  

அவர் மிகக் கடுமையான காயங்களுக்கு உள்ளாகியிருந்தபோதிலும், தொடர்ந்து உயிருடன் இருப்பதாக சமீபத்தில் தகவல்கள் வெளியாகின. இந்த நிலையில், அவர் மருத்துவமனை இடிபாடுகளில் இருந்து மீட்கப்பட்ட செய்தி வெளியாகி சர்வதேச அளவில் புதிய பரபரப்பை ஏற்படுத்தியுள்ளது.