லண்டனில் முதல்வர் விஜய்யின் நிகழ்ச்சி திடீர் ரத்து: கட்டுப்பாட்டை மீறிய கூட்டத்தால் லண்டன் காவல்துறை நடவடிக்கை!

லண்டனின் மிக உயரமான கட்டிடமான 'தி ஷார்ட்' பகுதியில் உள்ள சொகுசு விடுதி வளாகத்திற்கு வெளியே முதல்வரைக் காண்பதற்காக ஆயிரக்கணக்கான தமிழர்களும் ஆதரவாளர்களும் திரண்டனர். நேரம் செல்லச் செல்ல கூட்டத்தைக் கட்டுப்படுத்துவதில் சிரமம் ஏற்பட்டதை அடுத்து, லண்டன் மாநகரக் காவல் துறையினர் பாதுகாப்பு அச்சத்தை சுட்டிக்காட்டினர்.  

காவல்துறை கோரிக்கை மற்றும் அறிவிப்புபொதுமக்களின் பாதுகாப்பு மற்றும் போக்குவரத்துச் நெரிசலைக் கருத்தில் கொண்டு, நிகழ்வை நடத்துவதற்கான அனுமதி மறுக்கப்பட்டதாக ஏற்பாட்டாளர்கள் ஒலிபெருக்கி மூலம் அறிவித்தனர்.

பொதுமக்களின் பாதுகாப்பே முதன்மையானது. லண்டன் மாநகரக் காவல்துறையின் கோரிக்கைக்கு இணங்கவும், அசம்பாவிதங்களைத் தவிர்க்கும் பொருட்டும் இச்சந்திப்புத் திட்டம் ரத்து செய்யப்படுகிறது என அறிவிக்கப்பட்டது.  

முதல்வரைக் காண்பதற்காகப் பல மணிநேரம் காத்திருந்த ஆயிரக்கணக்கான ரசிகர்கள் மற்றும் புலம்பெயர் தமிழர்கள் ஏமாற்றத்துடன் திரும்பினர்.தமிழகத்திற்கு தொழில் முதலீடுகளை ஈர்க்கும் நோக்கில் லண்டன் சென்றுள்ள முதல்வர் விஜய்யின் இந்த விஜயத்தில், பல கோடி மதிப்பிலான புரிந்துணர்வு ஒப்பந்தங்கள் கையெழுத்தாகியுள்ளது குறிப்பிடத்தக்கது.