மாணவர் சக்தியால் வென்ற ஜனநாயகம்: செர்பியாவில் ஒரு தசாப்த கால சர்வாதிகார ஆட்சி முடிவுக்கு வந்தது!

ஊழல், தேர்தல் முறைகேடுகள் மற்றும் ஜனநாயக உரிமைகள் நசுக்கப்படுவதாகக் கூறி தலைநகர் பெல்கிரேடில் ஆயிரக்கணக்கான மாணவர்கள் திரண்டு பல வாரங்களாகத் தொடர் போராட்டங்களில் ஈடுபட்டு வந்தனர்.

அரசாங்கத்தின் அடக்குமுறைகளையும் மீறி, மாணவர்கள் மற்றும் பொதுமக்கள் ஒருங்கிணைந்து நடத்திய இந்த அமைதியான போராட்டம் சர்வதேச அளவில் கவனத்தைப் பெற்றது. மக்களின் கடும் எதிர்ப்பையும் நாடெங்கிலும் வெடித்த போராட்ட அலையையும் சமாளிக்க முடியாமல் அதிபர் அலெக்ஸாண்டர் வுசிக் தனது பதவியை ராஜினாமா செய்வதாக அறிவித்துள்ளார்.

மாணவர்கள் மற்றும் இளைஞர்களின் கூட்டுப் போராட்டத்தினால் ஒரு நாட்டின் சர்வாதிகார ஆட்சி கவிழ்க்கப்பட்டு ஜனநாயகம் மீட்கப்பட்டுள்ளது செர்பிய வரலாற்றில் ஒரு பொன் எழுத்துக்களால் பொறிக்கப்பட வேண்டிய நிகழ்வாகப் பார்க்கப்படுகிறது.