ஆழ்கடலில் சீன அறிவியல் சாதனை: 116 தன்னாட்சி ட்ரோன்களை இயக்கி கின்னஸ் உலக சாதனை!

சீனாவின் முக்கியப் பெருங்கடல் ஆராய்ச்சிக் கழகம் மற்றும் பொறியியல் வல்லுநர்கள் இணைந்து இந்த அதிநவீன அறிவியல் சோதனையைத் தெற்குச் சீனக் கடல் பகுதியில் வெற்றிகரமாகப் பரிசோதித்தனர்.

செயற்கை நுண்ணறிவு (AI) தொழில்நுட்பத்தின் மூலம் இயங்கும் இந்த ட்ரோன்கள், மனிதர்களின் நேரடி வழிநடத்துதலின்றி ஆழ்கடலில் நீண்ட தூரம் பயணித்து, கடல்சார் வெப்பநிலை, நீரோட்டம் மற்றும் சூழலியல் தரவுகளைத் துல்லியமாகச் சேகரித்து அனுப்பியுள்ளன.

ஒரே நேரத்தில் இத்தனை எண்ணிக்கையிலான தன்னாட்சி நீருக்கடி ட்ரோன்கள் ஒருங்கிணைக்கப்பட்டு வெற்றிகரமாகச் செயல்பட்டது இதுவே முதன்முறை என்பதால், கின்னஸ் உலகச் சாதனை அமைப்பு இதனை உத்தியோகபூர்வமாக அங்கீகரித்துள்ளது. இந்த மைல்கல் சாதனை கடல்சார் ஆராய்ச்சி மற்றும் கடலடித் தகவல் தொடர்புத் துறையில் பெரும் புரட்சியை ஏற்படுத்தும் என எதிர்பார்க்கப்படுகிறது.