CMDA புதிய உறுப்பினராக த.வெ.க. எம்.எல்.ஏ. ரேவந்த் சரண் நியமனம்!

சென்னை பெருநகர வளர்ச்சிக் குழுமத்தின் (CMDA) புதிய உறுப்பினராக மதுரவாயல் தொகுதி சட்டமன்ற உறுப்பினரும் (தவெக) வழக்கறிஞருமான பி. ரேவந்த் சரண் நியமிக்கப்பட்டுள்ளார். இதற்கான அதிகாரப்பூர்வ அரசாணையை தமிழ்நாடு அரசின் வீட்டுவசதி மற்றும் நகர்ப்புற வளர்ச்சித்துறை வெளியிட்டுள்ளது.  

சென்னை மற்றும் அதன் புறநகர்ப் பகுதிகளின் உள்கட்டமைப்பு மற்றும் நகர திட்டமிடல் பணிகளை மேற்பார்வையிடும் முக்கிய அமைப்பாக CMDA செயல்பட்டு வருகிறது. இந்த அமைப்பின் அதிகாரப்பூர்வ நிர்வாகக் குழுவில் சட்டமன்ற உறுப்பினர் என்ற முறையில் ரேவந்த் சரண் அவர்களுக்கு இந்த உறுப்பினர் பொறுப்பு வழங்கப்பட்டுள்ளது.  

தன் மீது நம்பிக்கை வைத்து இந்த முக்கியப் பொறுப்பை வழங்கியமைக்காக அரசிற்கும் தொகுதி மக்களுக்கும் நன்றி தெரிவித்துள்ள எம்.எல்.ஏ. ரேவந்த் சரண், மதுரவாயல் தொகுதி உட்பட்ட சென்னை புறநகர்ப் பகுதிகளின் உள்கட்டமைப்பு வசதிகளை மேம்படுத்தவும், திட்டங்களை விரைவுபடுத்தவும் தீவிரமாகப் பணியாற்றப்போவதாகத் தெரிவித்துள்ளார்.