இலங்கையில் கால்பந்தாட்டத்தை 4 வருடங்களில் பிரபல விளையாட்டாக மாற்றுவதற்கான கூட்டு முயற்சி

இது தொடர்பாக FIFA தலைவர் ஜியானி இன்ஃபன்டினோ, இலங்கை விளையாட்டுத்துறை அமைச்சர் சுனில் குமார கமகே, இலங்கை கால்பந்தாட்ட சம்மேளனத் தலைவர் ஜஸ்வர் உமர் ஆகியோருக்கு இடையில் விரிவான அபிவிருத்தி தொடர்பான கலந்துரையாடல் ஒன்று செவ்வாய்க்கிழமை (27) நடைபெற்றது.

அஸர்பைஜான் தலைநகர் பாகுவில் நடைபெற்றுவரும் FIFA 15 வயதுக்குட்பட்ட உலகக் கிண்ணம் மற்றும் திருவிழாவின் ஒரு பகுதியாக இந்த சந்திப்பு நடைபெற்றது.

இந்தச் சந்திப்பின் போது, இலங்கை தேசிய கால்பந்தாட்ட அணி மற்றும் இளைஞர் அணிகளின் அபிவிருத்திக்காக FIFA வழங்கிவரும் முழுமையான ஆதரவிற்கு இலங்கை அரசின் சார்பில் விளையாட்டுத்துறை அமைச்சர் சுனில் குமார கமகே தனது மனமார்ந்த நன்றியைத் தெரிவித்தார்.