வெளிப்புறம் மொறுமொறுப்பு... உட்புறம் மென்மை: உலகின் பிரசித்தி பெற்ற 'ரோஸ்டி' தயாரிப்பது எப்படி?

உலகெங்கிலும் உருளைக்கிழங்கைக் கொண்டு மிக எளிமையாகவும் அதே சமயம் மொறுமொறுப்பாகவும் தயாரிக்கப்படும் இந்த உணவு, தற்பொழுது சர்வதேச அளவில் உணவுப் பிரியர்களின் விருப்பமான உணவாக மாறியுள்ளது.

தேவையான பொருட்கள்

உருளைக்கிழங்கு – 3 பெரியது (வேகவைத்து ஆற வைத்தது அல்லது பச்சை உருளைக்கிழங்கு)

வெண்ணெய் / நெய் – 3 முதல் 4 மேசைக்கரண்டி

உப்பு – தேவையான அளவு

மிளகுத்தூள் – 1 தேக்கரண்டி

வெங்காயம் – 1 (பொடியாக நறுக்கியது - விருப்பப்பட்டால்)

சீஸ் – சிறிதளவு (துருவியது - விருப்பப்பட்டால்)

செய்முறை

உருளைக்கிழங்கைத் தோலுரித்து, சீஸ் துருவும் துருவியின் பெரிய பற்கள் கொண்ட பகுதியில் துருவிக் கொள்ளவும். (பச்சை உருளைக்கிழங்கு பயன்படுத்துவதாயின், துருவிய பின் ஒரு சுத்தமான துணியில் வைத்து அதில் உள்ள நீர்ச்சத்து முழுவதையும் நன்றாகப் பிழிந்து எடுத்துவிட வேண்டும். அப்போதுதான் ரோஸ்டி மொறுமொறுப்பாக வரும்).

துருவிய உருளைக்கிழங்குடன் தேவையான அளவு உப்பு, மிளகுத்தூள் மற்றும் நறுக்கிய வெங்காயம் சேர்த்து லேசாகக் கலந்து கொள்ளவும்.

ஒரு நான்-ஸ்டிக் பாத்திரத்தில் (Frying Pan) 2 மேசைக்கரண்டி வெண்ணெய் ஊற்றி மிதமான தீயில் சூடாக்கவும்.

வெண்ணெய் உருகியதும், துருவிய உருளைக்கிழங்கு கலவையைச் சட்டியில் போட்டு அடர்த்தியான அடைகல் போல பரப்பி, கரண்டியால் லேசாக அழுத்தி விடவும்.

மிதமான தீயில் 8 முதல் 10 நிமிடங்கள் வரை வேகவிடவும். அடியிலுள்ள பகுதி பொன்னிறமாகவும் மொறுமொறுப்பாகவும் மாறும் வரை வேக வேண்டும்.

ரோஸ்டியின் அடிப்பகுதி வெந்ததும், ஒரு தட்டைப் பாத்திரத்தின் மீது தலைகீழாக வைத்து, பாத்திரத்தைத் தலைகீழாகத் திருப்பி ரோஸ்டியைத் தட்டிற்கு மாற்றவும்.

இப்போது பாத்திரத்தில் மீண்டும் 1-2 மேசைக்கரண்டி வெண்ணெய் சேர்த்து உருக்க வேண்டும்.

தட்டில் உள்ள ரோஸ்டியின் வேகாத பகுதி அடியில் வருமாறு மெதுவாகச் சட்டியில் நழுவவிட்டு மாற்றிப் போடவும்.

மறுபுறமும் 8 முதல் 10 நிமிடங்கள் வரை பொன்னிறமாகும் வரை வேகவைத்து எடுக்கவும்.

சூடான மற்றும் மொறுமொறுப்பான 'ரோஸ்டி' தயார்! இதன் மேல் சிறிதளவு துருவிய சீஸ் அல்லது பொரித்த முட்டையை வைத்து உணவாகப் பரிமாறலாம்.