"அமைதியை விரும்புபவர்கள் இந்தியர்கள்": ஜெர்மனி பயணத்தின் போது பியூஷ் கோயல் புகழாரம்!

ஜெர்மனி நாட்டின் பெர்லின் நகருக்கு உத்தியோகபூர்வ விஜயம் மேற்கொண்டுள்ள அமைச்சர் பியூஷ் கோயல், அங்கு வாழும் இந்தியச் சமூகத்தினரைச் சந்தித்து உரையாற்றினார்.

இதன்போது உரையாற்றிய அவர், "ஐரோப்பாவின் பல நாடுகளில் போராட்டங்களும் பொதுச் சொத்துக்கள் சேதப்படுத்தப்படும் நிகழ்வுகளும் நடைபெற்று வரும் சூழலில், இந்திய மக்கள் சட்டம்-ஒழுங்கைப் பேணி அமைதியான வழியில் வாழ்கிறார்கள். இதனால் தான் சர்வதேச அளவில் இந்தியர்களுக்குப் பெருமதிப்பும் வரவேற்பும் கிடைக்கிறது" எனப் பெருமிதத்துடன் குறிப்பிட்டார்.

மேலும், ஜெர்மனி மற்றும் இந்தியாவின் வர்த்தக உறவை வலுப்படுத்தவும், நாட்டின் பொருளாதார வளர்ச்சிக்குப் பங்காற்றவும் வெளிநாடு வாழ் இந்தியர்கள் முன்வர வேண்டும் என்றும் அவர் கேட்டுக்கொண்டார்.