இஸ்ரேல் தேர்தல் ஆணைக்குழுவின் தகுதிநீக்க நடவடிக்கை: அரபு கட்சிகளின் மனுக்கள் மீது உயர் நீதிமன்றத்தில் விசாரணை!

ஆயுதமேந்திய போராட்டங்களுக்கு ஆதரவளித்தனர் மற்றும் இஸ்ரேலை யூத அரசாக அங்கீகரிக்க மறுக்கின்றனர் எனக் குற்றம்சாட்டி, தீவிர வலதுசாரி அமைச்சரான இடாமர் பென் க்வீர் உள்ளிட்ட ஆளும் தரப்பு அரசியல்வாதிகளால் கடந்த செப்டம்பர் 26 ஆம் திகதி இந்தத் தகுதிநீக்கத் தீர்மானம் ஆணைக்குழுவில் நிறைவேற்றப்பட்டது.

அரபுச் சமூகத்தின் வாக்களிப்பைப் பலவீனப்படுத்தி, நாடாளுமன்றத்தில் அவர்களின் பிரதிநிதித்துவத்தை முடக்குவதே இதன் முதன்மை நோக்கமாகும் என குறிப்பிடப்படுகிறது.

அரசியல்வாதிகளைக் கொண்ட மத்திய தேர்தல் ஆணைக்குழுவின் இந்தத் தீர்மானம் சட்டப்படி உடனடியாகச் செல்லுபடியாகாது என்பதால், விசேட நீதியரசர்கள் அமர்வு இதன் செல்லுபடித் தன்மையை ஆராய்ந்து வருகிறது.