வரும் நவம்பர் 2 முதல் புதிய அடையாள அட்டைகள் விநியோகம்: சுவிஸ் அரசு!

சுவிட்சர்லாந்தில் குடிமக்களின் பாதுகாப்பை உறுதிசெய்யும் வகையில், அதிநவீன தொழில்நுட்பத்துடன் கூடிய புதிய பயோமெட்ரிக் அடையாள அட்டைகள் (Biometric Identity Cards) வரும் நவம்பர் 2-ஆம் தேதி முதல் வழங்கப்பட உள்ளதாக சுவிஸ் கூட்டாட்சி கவுன்சில் அறிவித்துள்ளது.  

தற்போது புழக்கத்தில் உள்ள பயோமெட்ரிக் பாஸ்போர்ட்டைப் போலவே, இந்த புதிய அடையாள அட்டையிலும் பயனரின் முகப் படம் மற்றும் இரண்டு கைரேகைகள் அடங்கிய மைக்ரோசிப் பொருத்தப்பட்டிருக்கும். 

ஐரோப்பிய ஒன்றிய நாடுகளுக்கு இடையே சுவிஸ் குடிமக்கள் எவ்வித இடையூறுகளும் இன்றி தடையின்றி பயணம் செய்ய இந்த மாற்றம் வழிவகுக்கும். தற்போது மக்களிடம் உள்ள சிப் இல்லாத பழைய அடையாள அட்டைகள் அவை காலாவதியாகும் காலம் வரை தொடர்ந்து செல்லுபடியாகும் எனத் தெரிவிக்கப்பட்டுள்ளது. 

மேலும், நாட்டின் உள்நாட்டுத் தேவைக்கு மட்டும் அடையாள அட்டையைப் பயன்படுத்த விரும்புவோர், சிப் இல்லாத சாதாரண அடையாள அட்டையையும் தொடர்ந்து பெற்றுக்கொள்ளலாம்.