கசப்பே தெரியாது... சுவையான ‘வல்லாரைக் கீரை லட்டு’: இனி குழந்தைகளின் ஞாபக சக்திக்கு கவலையே இல்லை!

வல்லாரை சாப்பிட்டா ஞாபக சக்தி அதிகரிக்கும்'னு பெரியவங்க சொல்லி நாம கேட்டிருப்போம். ஆனா, அதைக் கடையோ, தோசையோ செய்து கொடுத்தா நம்ம குழந்தைகள் தொட்டுக் கூட பார்க்க மாட்டாங்க. 'கசக்குது'ன்னு சாாக்கு சொல்லி ஓடிடுவாங்க!

ஆனா, அதே வல்லாரைக் கீரையை, குழந்தைகள் தினமும் தட்டாம விரும்பிச் சாப்பிடுற மாதிரி ஒரு இனிப்பான 'லட்டு' செய்து கொடுத்தா எப்படி இருக்கும்? ஆரோக்கியமும் ஆச்சு, சுவையும் ஆச்சு! ஞாபக சக்தியை பன்மடங்கு பெருக்கும் வல்லாரைக் கீரை லட்டு எப்படி செய்றதுன்னு இந்தச் செய்தித் தொகுப்பில் பார்ப்போம்!

வல்லாரைக் கீரை மூளை நரம்புகளைப் பலப்படுத்தி, நரம்பு மண்டலத்தைச் சீராக்கும் ஆற்றல் கொண்டது. இதில் உள்ள ஊட்டச்சத்துக்கள் நினைவாற்றலை அதிகரிப்பதோடு, கவனச்சிதறலைக் குறைத்து படிப்பில் கவனம் செலுத்த உதவுகிறது.

தேவையான பொருட்கள்:  

வல்லாரைக் கீரை - 1 கட்டு (சுத்தம் செய்து நிழலில் உலர்த்தியது) வறுத்த பொட்டுக் கடலை / பாசிப்பருப்பு - 1 கப்  

பாதாம், முந்திரி, வேர்க்கடலை - தலா அரை கப்  

ஏலக்காய் - 4  

நாட்டுச் சர்க்கரை அல்லது வெல்லம் - 1 கப்

நெய் - 3 முதல் 4 ஸ்பூன்

செய்முறை:

வல்லாரைக் கீரையை நன்றாகக் கழுவி, ஈரப்பதம் இல்லாமல் நிழலில் உலர்த்தி எடுத்துக்கொள்ள வேண்டும்.

ஒரு வாணலியில் லேசாக நெய் விட்டு, உலர்ந்த வல்லாரைக் கீரையை மொறுமொறுப்பாகும் வரை வறுத்துக் கொள்ளவும். 

பாதாம், முந்திரி, வேர்க்கடலை மற்றும் ஏலக்காயை லேசாக வறுத்து, வறுத்த வல்லாரைக் கீரையுடன் சேர்த்து மிக்ஸியில் நைஸாகப் பொடி செய்து கொள்ளவும்.

பொடித்த கலவையுடன் நாட்டுச் சர்க்கரை அல்லது உருக்கிய வெல்லப் பாகு மற்றும் உருக்கிய சூடான நெய் சேர்த்து நன்றாகப் பிசைய வேண்டும்.

கை பொறுக்கும் சூட்டில் சிறிய லட்டுகளாக உருட்டி எடுத்தால், சுவையான மற்றும் ஆரோக்கியமான 'வல்லாரைக் கீரை லட்டு' தயார்!  

கசப்புத் தன்மையே தெரியாமல், நட்ஸ் மற்றும் நெய்யின் நறுமணத்தோடு இருக்கும் இந்த வல்லாரை லட்டை குழந்தைகள் ஸ்நாக்ஸாகவே கேட்டு வாங்கி சாப்பிடுவாங்க!

தினமும் ஒரு லட்டு கொடுத்தாலே போதும், தேர்வு நேரத்தில் குழந்தைகளின் நினைவாற்றல் அதிகரிக்கும், உடலும் சுறுசுறுப்பாகும்!