Zurich நகரில் E-Scooter பயன்பாடு: புதிய கடுமையான விதிகள் அமுல்!

சுவிட்சர்லாந்தின் முன்னணி நகரான Zurich, E-Scooter அதீத பயன்பாட்டால் அதிகரித்து வந்த போக்குவரத்து நெரிசல் மற்றும் பாதசாரிகளின் பாதுகாப்புச் சிக்கல்களுக்குத் தீர்வு காணும் வகையில் புதிய ஒழுங்குமுறை விதிகள் அமுல்படுத்தப்பட்டுள்ளன.

நகரப் பகுதிகளில் E-Scooterகளை எங்கு வேண்டுமானாலும் நிறுத்துவது மற்றும் நடைபாதைகளில் கண்மூடித்தனமாக ஓட்டுவதால் விபத்துகள் ஏற்படுவது சமீபகாலமாக அதிகரித்து வந்தது. இதற்கு முற்றுப்புள்ளி வைக்கும் நோக்கில் உள்ளூர் நிர்வாகம் இந்த அதிரடி நடவடிக்கையை எடுத்துள்ளது.

E-Scooterகளை எக்காரணம் கொண்டும் பாதசாரிகள் நடக்கும் Footpaths களில் இயக்கக் கூடாது. சைக்கிள் பாதைகள் அல்லது இதற்கென ஒதுக்கப்பட்ட சாலைகளில் மட்டுமே பயணிக்க வேண்டும்.

இருக்கைகள் இல்லாத சாதாரண E-Scooteகளின் அதிகபட்ச வேகம் மணிக்கு 20 கி.மீ ஆகக் குறைக்கப்பட்டு, கடுமையாகக் கண்காணிக்கப்படுகிறது.

ரோட்டோரங்களில் பாதசாரிகளுக்கு இடையூறு ஏற்படும் வகையில் E-Scooteகளை கண்ட இடங்களில் நிறுத்துவது தடை செய்யப்பட்டுள்ளது. இதற்குரிய குறிப்பிட்ட பார்க்கிங் இடங்களை மட்டுமே பயன்படுத்த வேண்டும்.

இந்த புதிய விதிகளை மீறும் நபர்கள் மற்றும் நிறுவனங்கள் மீது Zurich காவல் துறையினர் கடுமையான அபராத நடவடிக்கைகளைத் தொடங்கி உள்ளனர்.

இந்த புதிய சட்டத் திருத்தங்கள் மூலம் Zurich நகரின் போக்குவரத்து ஒழுங்குபடுத்தப்பட்டு, பொதுமக்களின் பாதுகாப்பு மேலும் உறுதி செய்யப்படும் என நகர நிர்வாகம் தெரிவித்துள்ளது.