சுவிஸ் திராட்சை அறுவடை முன்கூட்டியே தொடக்கம்

பல திராட்சை விளையும் பகுதிகளில் ஆகஸ்ட் தொடக்கத்திலேயே அறுவடை ஆரம்பித்துள்ள நிலையில், சில பகுதிகளில் ஆகஸ்ட் இறுதியிலேயே அறுவடை தொடங்கும் என எதிர்பார்க்கப்படுகிறது.

கடும் வெப்பம் மற்றும் வறட்சி காரணமாக திராட்சைகள் வழக்கத்தைவிட சிறியதாக வளர்ந்துள்ளன. இதனால், இந்த ஆண்டின் விளைச்சல் குறையக்கூடும் என விவசாயிகள் கவலை தெரிவித்துள்ளனர்.

எனினும், அதிக வெப்பநிலை காரணமாக திராட்சைகளின் தரம் சிறப்பாக இருக்கும் என ஒயின் நிபுணர்கள் நம்பிக்கை தெரிவித்துள்ளனர். குறிப்பாக, சில பகுதிகளில் திராட்சைகள் முந்தைய சாதனை ஆண்டுகளைக் காட்டிலும் முன்கூட்டியே பழுத்துள்ளதாக தெரிவிக்கப்பட்டுள்ளது.

அதே நேரத்தில், கடும் வெப்பம் மற்றும் நேரடி சூரிய ஒளி திராட்சைகளை பாதிக்கக்கூடும் என்பதால், அறுவடைக்கு முன் மழை பெய்ய வேண்டும் என விவசாயிகள் எதிர்பார்க்கின்றனர்.