கனடாவிற்கு ஐரோப்பிய ஒன்றியம் அழைப்பு: "வேடிக்கையானது" எனக் கேலி செய்த டிரம்ப்!

அமெரிக்காவுடனான வர்த்தக மோதல்கள் அதிகரித்துள்ள சூழலில், கனடாவிற்கு ஐரோப்பிய ஒன்றியத்தில் இணை உறுப்பினர் அந்தஸ்து வழங்க முன்வருவதாக ஐரோப்பிய ஆணையத்தின் தலைவர் உர்சுலா வான் டெர் லேயன் (Ursula von der Leyen) சமீபத்தில் முன்மொழிந்தார்.  

இந்த விவகாரம் குறித்துச் செய்தியாளர்களிடம் பேசிய அமெரிக்க அதிபர் டிரம்ப், "ஐரோப்பிய ஒன்றியத்தின் இந்த யோசனை சிரிப்பைத் தான் வரவழைக்கிறது. கனடா ஒரு மோசமான வர்த்தகக் கூட்டாளி. ஒருவேளை இந்த நடவடிக்கை அமெரிக்காவிற்கு எதிரான ஒரு பகையான செயலாக (Hostile Act) நாங்கள் கருதினால், ஐரோப்பிய நாடுகள் மீது மிகக் கடுமையான வர்த்தக வரிகளை (Tariffs) விதிப்போம் அல்லது வர்த்தகத்தை முற்றாக நிறுத்துவோம்" என எச்சரிக்கை விடுத்துள்ளார்.

அமெரிக்காவின் சுங்கவரி அச்சுறுத்தல்களிலிருந்து தப்பிக்கக் கனடா ஐரோப்பிய நாடுகளுடன் பாதுகாப்பு மற்றும் பொருளாதார உறவை வலுப்படுத்த முயலும் நிலையில், டிரம்பின் இந்த அதிரடி கருத்து உலகளவில் பெரும் பரபரப்பை ஏற்படுத்தியுள்ளது.