சுவிட்சர்லாந்தில் தீவிர கோடை வறட்சி: வற்றிப்போகும் பிரசித்தி பெற்ற Zurich ஏரி!

சுவிட்சர்லாந்தில் நிலவிவரும் தீவிர கோடை வறட்சி மற்றும் குறைவான மழைப்பொழிவு காரணமாக, பிரசித்தி பெற்ற ஜூரிச் ஏரியின் நீர்மட்டம் மிகக் குறைந்த அளவை எட்டியுள்ளது.

Zurich Horn அளவீட்டு மையத்தில் ஏரியின் நீர்மட்டம் கடல் மட்டத்திலிருந்து 404.45 மீட்டராகக் குறைந்துள்ளது. இதற்கு முன் 1952-ஆம் ஆண்டில் 405.46 மீட்டராகப் பதிவானதே மிகக் குறைந்த அளவாக இருந்தது. தற்போது அந்த 74 ஆண்டு கால சாதனை முறியடிக்கப்பட்டுள்ளது.

ஏரியின் நீர்மட்டம் சரிந்ததால், Horgen-Meilen படகுப் போக்குவரத்தில் கனரக வாகனங்கள் மற்றும் தரைப்பகுதி தாழ்வாக உள்ள கார்கள் ஏற்றிச் செல்ல தடை விதிக்கப்பட்டுள்ளது. 

குறைந்த நீர்மட்டம் காரணமாகப் பல இடங்களில் படகுச் சவாரிகள் நிறுத்தப்பட்டுள்ளன. பாதுகாப்பு காரணங்களுக்காகச் சில கரையோரக் குளியல் பகுதிகள் மூடப்பட்டுள்ளன.

காலநிலை மாற்றத்தின் தாக்கம் தீவிரமடைந்து வரும் சூழலில், ஏரியின் நீர்மட்டத்தைக் கூட்டாட்சி சுற்றுச்சூழல் அலுவலகம் (FOEN) தொடர்ந்து கண்காணித்து வருகிறமை குறிப்பிடத்தக்கது.