ரஷ்யாவில் பிளேக் நோயினால் பெண் ஆராய்ச்சியாளர் உயிரிழப்பு - முன்னெச்சரிக்கையாக 5 மருத்துவமனைகள் உடனடியாக மூடல்!

ஆய்வகத்தில் பிளேக் கிருமிகள் தொடர்பில் தீவிர ஆராய்ச்சியில் ஈடுபட்டிருந்த போதே அந்த பெண் ஆராய்ச்சியாளருக்குப் பிளேக் தொற்று பரவியுள்ளதாக முதற்கட்ட விசாரணைகளில் தெரியவந்துள்ளது.

பாதிக்கப்பட்ட பெண் சிகிச்சைக்காக அனுமதிக்கப்பட்டிருந்த மருத்துவமனை மற்றும் அவருடன் தொடர்புடைய பகுதிகளைச் சேர்ந்த 5 முக்கிய மருத்துவமனைகள் முன்னெச்சரிக்கை நடவடிக்கையாக உடனடியாக மூடப்பட்டு தனிமைப்படுத்தப்பட்டுள்ளன.

மேலும், உயிரிழந்த பெண்ணுடன் நேரடித் தொடர்பில் இருந்த நபர்களைக் கண்டறிந்து அவர்களைத் தனிமைப்படுத்தும் பணிகளில் சுகாதாரத் துறையினர் தீவிரமாக ஈடுபட்டு வருவதுடன், நோய் பரவாமல் தடுக்க கடுமையான கட்டுப்பாடுகளும் விதிக்கப்பட்டுள்ளன.