உயர்மட்டப் பேச்சுவார்த்தையைத் தொடர்ந்து அமெரிக்கா - சீனா இடையே வர்த்தகப் போர் நிறுத்த ஒப்பந்தம் நீட்டிப்பு!

உலகப் பொருளாதாரத்தில் முன்னணி வகிக்கும் அமெரிக்கா மற்றும் சீனா ஆகிய இரு பெரும வல்லரசு நாடுகளுக்கு இடையே நிலவி வந்த வர்த்தகப் போரைத் தற்காலிகமாக நிறுத்தி வைக்கும் ஒப்பந்தம் மேலும் நீட்டிக்கப்பட்டுள்ளதாக அதிகாரப்பூர்வமாக அறிவிக்கப்பட்டுள்ளது.

அண்மையில் இரு நாட்டு அதிபர்களும் பங்கேற்ற உயர்மட்ட இருதரப்புச் சந்திப்பைத் தொடர்ந்து, வர்த்தகப் பூசல்களை சுமூகமாகத் தீர்த்துக் கொள்ளும் நோக்கில் இந்த முடிவு எட்டப்பட்டுள்ளது

இதன்படி இரு நாடுகளும் பரஸ்பரம் இறக்குமதி செய்யப்படும் பொருட்கள் மீது புதிதாக விதிக்கத் திட்டமிட்டிருந்த கூடுதல் சுங்க வரிகள் மற்றும் தடைகள் இடைநிறுத்தப்பட்டுள்ளன.

மேலும் உலகளாவிய விநியோகச் சங்கிலி,தொழில்நுட்ப ஏற்றுமதி சார்ந்த விதிமுறைகள் மற்றும் பரஸ்பர வர்த்தகச் சலுகைகள் குறித்து இரு நாடுகளின் உயர் வர்த்தகக் குழுக்களும் தொடர்ந்து பேச்சுவார்த்தை நடத்தும் எனத் தெரிவிக்கப்பட்டுள்ளது.

கடந்த சில ஆண்டுகளாக இரு நாடுகளுக்கும் இடையே நீடித்து வந்த வர்த்தகப் போர் காரணமாக உலகளாவிய வர்த்தகம், உற்பத்தித் துறை மற்றும் பங்குச் சந்தைகள் பெரும் பாதிப்புகளைச் சந்தித்து வந்தன.

தற்போது இந்த வர்த்தகப் போர் நிறுத்த ஒப்பந்தம் நீட்டிக்கப்பட்டுள்ளதன் மூலம் உலகப் பொருளாதாரத்தில் ஸ்திரத்தன்மை ஏற்படும் என்றும், உலகளாவிய விநியோகச் சங்கிலியில் நிலவிய தேக்க நிலை மாறும் என்றும் பொருளாதார வல்லுநர்கள் வரவேற்பு தெரிவித்துள்ளனர்.