நாடாளுமன்ற எம்பி பதவியை ராஜினாமா செய்தார் பிரிட்டன் முன்னாள் பிரதமர் கெய்ர் ஸ்டார்மர்!

பிரிட்டனின் முன்னாள் பிரதமரும் தொழிலாளர் கட்சியின் மூத்த தலைவருமான கெய்ர் ஸ்டார்மர், தனது நாடாளுமன்ற உறுப்பினர் பதவியிலிருந்து விலகுவதாக அதிகாரப்பூர்வமாக அறிவித்துள்ளார். 

கடந்த 11 ஆண்டுகளாக லண்டனின் 'ஹோல்பார்ன் மற்றும் செயிண்ட் பான்க்ராஸ்' தொகுதியின் நாடாளுமன்ற உறுப்பினராகப் பணியாற்றி வந்த கெய்ர் ஸ்டார்மர், இனிவரும் நாட்களில் சர்வதேச விவகாரங்கள், பாதுகாப்பு, வர்த்தகம் மற்றும் தொழில்நுட்பத் துறைகளில் கூடுதல் கவனம் செலுத்தவுள்ளதாகத் தெரிவித்துள்ளார். 

இதுகுறித்து அவர் வெளியிட்டுள்ள அறிக்கையில், "கடந்த 11 ஆண்டுகளாக இத்தொகுதி மக்களுக்குப் பணியாற்ற வாய்ப்பு கிடைத்ததை மாபெரும் பெருமையாகக் கருதுகிறேன்.சர்வதேச ரீதியில் வேகமாக மாறிவரும் சூழலில், பிற முக்கியக் களங்களில் கவனம் செலுத்துவதற்காகவே இப்பதவியிலிருந்து விலகத் தீர்மானித்துள்ளேன்" எனக் குறிப்பிட்டுள்ளார்.  

கெய்ர் ஸ்டார்மரின் இந்த அதிரடி முடிவைத் தொடர்ந்து, ஹோல்பார்ன் மற்றும் செயிண்ட் பான்க்ராஸ் தொகுதிக்கு விரைவில் இடைத்தேர்தல் அறிவிக்கப்படவுள்ளது. இதற்கான அடுத்த வேட்பாளரைத் தேர்வு செய்யும் பணிகளில் தொழிலாளர் கட்சி தீவிரமாக ஈடுபட்டுள்ளது.