மகளிருக்கு இலவசப் பேருந்து சேவை: ‘வெற்றிப் பயணம்’ திட்டத்தை இன்று தொடங்கும் விஜய்!

இதுவரை நகரப்புறச் சாதாரணக் கட்டணப் பேருந்துகளில் மட்டுமே இலவசப் பயணம் அனுமதிக்கப்பட்டிருந்த நிலையில், இனி எக்ஸ்பிரஸ்,LSS, மற்றும் டீலக்ஸ் (Deluxe) அரசுப் பேருந்துகளிலும் மகளிரும் மாற்றுத்திறனாளிகளும் இலவசமாகப் பயணிக்கலாம்.  மாவட்டங்களுக்கு இடையே இயங்கும் புறநகர் மற்றும் மலைப்பகுதிகளுக்கான பேருந்துகளுக்கும் இத்திட்டம் விரிவுபடுத்தப்பட்டுள்ளது

பயனடைவதற்குக் குறிப்பிட்ட வருமான உச்சவரம்போ அல்லது தூரக் கட்டுப்பாடுகளோ கிடையாது.பெண்களின் கல்வி, வேலைவாய்ப்பு மற்றும் பொருளாதாரச் சுதந்திரத்தை அதிகரிக்கும் நோக்கில் இத்திட்டம் ஒரு முக்கியச் சமூக முதலீடாகக் கொண்டுவரப்பட்டுள்ளதாகத் தெரிவிக்கப்பட்டுள்ளது. 

இத்திட்டம் இன்று முதல் மாநிலம் முழுவதும் முழுவீச்சில் நடைமுறைக்கு வருகிறது.