விடைபெற்றார் Tim Cook : Apple நிறுவனத்தின் புதிய தலைவரானார் ஜான் டெர்னஸ்!

உலகின் முன்னணி தொழில்நுட்ப நிறுவனமான Apple புதிய முதன்மை செயல் அதிகாரியாக (CEO) John Ternus அதிகாரப்பூர்வமாகப் பொறுப்பேற்றுள்ளார். இதுவரை சிஇஓ-ஆகப் பணியாற்றி ஓய்வுபெற்ற Tim Cookகிற்கு, டெஸ்லா மற்றும் எக்ஸ் (X) நிறுவனத் தலைவர் எலான் மஸ்க் தனது வாழ்த்துகளைத் தெரிவித்துள்ளார்.

கடந்த 2011-ஆம் ஆண்டு ஸ்டீவ் ஜோப்ஸுக்குப் பிறகு Apple நிறுவனத்தின் அமோக வளர்ச்சிக்குக் காரணமாக இருந்த Tim Cook, தனது நீண்டகாலப் பணியில் இருந்து ஓய்வுபெறுவதாக அறிவித்திருந்தார். அதைத் தொடர்ந்து, Apple நிறுவனத்தின் வன்பொருள் பொறியியல் பிரிவின் சிரேஷ்ட துணைத் தலைவராகப் பணியாற்றி வந்த ஜான் டெர்னஸ் புதிய CEOஆகத் தேர்ந்தெடுக்கப்பட்டுள்ளார்.

Apple நிறுவனத்தின் ஐபோன், ஐபேட் மற்றும் M-series chips வடிவமைப்புகளில் மிக முக்கியமான பங்காற்றிய ஜான் டெர்னஸ், தற்போது நிறுவனத்தின் ஒட்டுமொத்தப் பொறுப்பையும் ஏற்றுக்கொண்டுள்ளார்.

Tim Cook அவர்களின் தொலைநோக்குப் பார்வையும், Apple நிறுவனத்தை உலகின் மிகமதிப்புமிக்க நிறுவனமாக மாற்றிய அவரது உழைப்பும் பாராட்டுக்குரியது என எலான் மஸ்க் தனது சமூக வலைதளப் பதிவில் வாழ்த்தியுள்ளார்.

செயற்கை நுண்ணறிவு (AI) மற்றும் புதிய தொழில்நுட்பப் போட்டிகள் நிறைந்த சூழலில், ஜான் டெர்னஸின் தலைமை Apple நிறுவனத்தை அடுத்தகட்டத்திற்கு எடுத்துச் செல்லும் என எதிர்பார்க்கப்படுகிறது.

தொழில்நுட்ப உலகில் பெரும் மாற்றத்தை ஏற்படுத்தியுள்ள இப் பதவி உயர்வு மற்றும் விடைபெறுதல் நிகழ்ச்சி, சர்வதேச வர்த்தக வட்டாரங்களில் பெரும் வரவேற்பைப் பெற்றுள்ளது.