"பிறர் உயிர் காக்கும் அளப்பரிய தியாகம்": உடலுறுப்புக் கொடையாளர்களின் குடும்பங்களுக்கு முதலமைச்சர் விஜய் புகழாரம்!

இது தொடர்பாக அவர் வெளியிட்டுள்ள பதிவில், "தம் இன்னுயிர் பிரியும் சூழலிலும், பிறரின் உயிரைக் காக்கும் உயரிய நோக்கில் உடலுறுப்புகளை தானமாக வழங்க முன்வரும் கொடையாளர்களும், அதற்கு சம்மதிக்கும் அவர்தம் குடும்பத்தினரும் மனிதநேயத்தின் மிகச் சிறந்த அடையாளமாகத் திகழ்கிறார்கள்.

ஒருவரின் மறைவு தரும் ஆறாத் துயரத்தின் இடையிலும், பிறரின் வாழ்வுக்கு வழிகாட்டும் இந்த உன்னதச் செயல் அளப்பரியது" என்று குறிப்பிட்டுள்ளார்.

மேலும், உடலுறுப்பு தானம் குறித்த விழிப்புணர்வை மக்களிடையே தொடர்ந்து கொண்டு சேர்க்க வேண்டியதன் அவசியத்தையும் வலியுறுத்தியுள்ள முதலமைச்சர், மனிதநேயத்தை முன்னிறுத்தி உடலுறுப்புக் கொடை அளித்து பல குடும்பங்களில் ஒளியேற்றி வைத்த அனைத்துக் குடும்பத்தினருக்கும் மாநில அரசின் சார்பில் தனது நெஞ்சார்ந்த நன்றிகளையும் வணக்கத்தையும் தெரிவித்துக் கொள்வதாகப் பதிவிட்டுள்ளார்.