கிரீன்பீஸ் வலியுறுத்தல்: சுவிஸ் பல்பொருள் அங்காடிகளில் தாவர உணவுகளுக்கு முதன்மை!

சுவிட்சர்லாந்தின் முன்னணி பல்பொருள் அங்காடிகளான 'கூப்' (Coop) மற்றும் 'மிகிரோஸ்' (Migros) ஆகிய நிறுவனங்கள், தாவர அடிப்படையிலான புரத உணவுகளின் பங்கைத் தீவிரமாக அதிகரிக்க வேண்டும் என்று சுற்றுச்சூழல் அமைப்பான 'கிரீன்பீஸ் சுவிட்சர்லாந்து' (Greenpeace Switzerland) கோரிக்கை விடுத்துள்ளது.

இது தொடர்பான சுமார் 27,170 மக்களின் கையெழுத்திட்ட மனுவை அந்த அமைப்பு சூரிச் நகரில் உள்ள பல்பொருள் அங்காடிகளிடம் அதிகாரப்பூர்வமாக வழங்கியுள்ளது.

சுவிட்சர்லாந்தின் சில்லறை வர்த்தக சந்தையில் 80 சதவீதத்தைக் கொண்டுள்ள கூப் மற்றும் மிகிரோஸ் அங்காடிகளின் தயாரிப்புகளில், சுமார் 90 சதவீத புரதப் பொருட்கள் விலங்கு சார்ந்தவையாகவே (Animal-based) உள்ளன. விளம்பரச் சலுகைகளிலும் இதே நிலையே நீடிக்கிறது என்பது குறிப்பிடத்தக்கது.