இலங்கையின் கணினி மற்றும் தகவல் தொழில்நுட்பச் சேவை வருவாய் 15.5 சதவீதம் சரிவு!

இதன்படி, கடந்த ஆண்டு ஜனவரி முதல் செப்டம்பர் வரையிலான காலப்பகுதியில் 621 மில்லியன் அமெரிக்க டொலராக இருந்த வருவாய், இந்த ஆண்டு 524.9 மில்லியன் டொலராகக் குறைந்துள்ளது. செப்டம்பர் மாதத்தில் மட்டும் இந்த வருவாய் 7.2 சதவீதம் சரிந்து 65 மில்லியன் டொலராகப் பதிவாகியுள்ளது.

அதேவேளை, செப்டம்பர் மாதத்தில் இலங்கையின் மொத்த சேவை ஏற்றுமதி வருவாய் 11.2 சதவீதம் அதிகரித்து 559.5 மில்லியன் டொலராக உயர்ந்துள்ளது. கடல் மற்றும் விமானப் போக்குவரத்துச் சேவைகள் மூலம் கிடைத்த வருவாயும் 46.3 சதவீதம் அதிகரித்து 199 மில்லியன் டொலராகப் பதிவாகியுள்ளது.

இருப்பினும், 2026ஆம் ஆண்டின் முதல் ஒன்பது மாதங்களில் இலங்கையின் சேவைகள் கணக்கின் உபரி 22.3 சதவீதம் குறைந்து 2.21 பில்லியன் டொலராகச் சரிவடைந்துள்ளதாக மத்திய வங்கியின் அறிக்கை தெரிவிக்கிறது.