வோட் பள்ளிகளில் வெப்ப அலை: உடனடி நடவடிக்கைக்கு வலியுறுத்தல்

குழந்தைகள் கல்வி கற்க வேண்டிய விதிமுறைகளை Vaud மாகாண அரசு வகுத்தாலும், வகுப்பறைகள் மற்றும் விளையாட்டு மைதானங்களை மேம்படுத்தும் பொறுப்பு தனிப்பட்ட நகராட்சிகளையே சார்ந்துள்ளது.

இதற்கிடையில், Morges நகராட்சி, பள்ளிகளின் உட்புற மற்றும் வெளிப்புற பகுதிகளை வெப்பத்துக்கு ஏற்ற வகையில் மாற்றும் விரிவான புனரமைப்புத் திட்டத்தைத் தொடங்கியுள்ளது.

எனினும், இந்தப் பணிகள் முழுமையாக நிறைவடைய பல ஆண்டுகள் ஆகும் என எதிர்பார்க்கப்படுகிறது. இதனால், பெற்றோர்களும் ஆசிரியர்களும் உடனடி நடவடிக்கை எடுக்க வலியுறுத்தி வருகின்றனர்.

சில பள்ளிகளில், குறுகிய காலத் தீர்வாக மேற்கூரை மின்விசிறிகளைப் பொருத்தும் முயற்சிகளும் மேற்கொள்ளப்பட்டு வருகின்றன. ஆண்டுதோறும் வகுப்பறைகளில் வெப்பநிலை அதிகரித்து வரும் நிலையில், மண்டல நிதி ஒதுக்கீட்டில் இடம்பெறாத வெப்பத் தடுப்பு மற்றும் தழுவல் நடவடிக்கைகளுக்கான செலவுச் சுமை உள்ளாட்சி அமைப்புகள் மீது அதிகரித்து வருகிறது.