பிரபாத் ஜெயசூர்யவுக்கு எதிராக ஐசிசி நடவடிக்கை!

இதன் மூலம் இப்போட்டியில் ஒழுங்கு நடவடிக்கை அல்லது தண்டனைக்குள்ளான மூன்றாவது வீரராக அவர் ஆகியுள்ளார்.

தனது அணியின் முதல் இன்னிங்ஸில் ஆட்டமிழந்ததைத் தொடர்ந்து அவருக்கு இந்த எச்சரிக்கை விடுக்கப்பட்டது.

சர்வதேசப் போட்டியின்போது கிரிக்கெட் உபகரணங்கள் அல்லது ஆடைகள், மைதான உபகரணங்கள் அல்லது அங்குள்ள சாதனங்கள் மற்றும் அமைப்புகளைத் தவறாகக் கையாள்வது தொடர்பான, வீரர்கள் மற்றும் வீரர்களுக்கான ஆதரவுக் குழுவினருக்கான ஐசிசி நடத்தை விதிகளின் பிரிவு 2.2-ஐ ஜெயசூர்யா மீறியது கண்டறியப்பட்டது.

24 மாத காலப்பகுதியில் இது அவரது முதல் மீறல் என்பதால், அவரது ஒழுங்கு நடவடிக்கை பதிவில் ஒரு குறைமதிப்பு புள்ளியும் (demerit point) சேர்க்கப்பட்டுள்ளது.