சுற்றுச்சூழல் துறையில் இந்தியா முன்னேற்றம்: பிரதமர் மோடி

தி ஃபியூச்சர் ஆஃப் என்விரான்மென்ட் அண்ட் கிளைமேட் டைனமிக்ஸ்’ என்ற தலைப்பிலான இந்த இரண்டு நாள் மாநாட்டை தேசிய பசுமைத் தீர்ப்பாயம் ஏற்பாடு செய்துள்ளது. இதில் 17 நாடுகளைச் சேர்ந்த நீதிபதிகள் மற்றும் பிரதிநிதிகள் உள்ளிட்டோர் பங்கேற்றுள்ளனர்.

இந்தியாவின் தனிநபர் கார்பன் உமிழ்வு, உலக சராசரியில் பாதிக்கும் குறைவாகவே இருப்பதாக பிரதமர் மோடி கூறினார். மேலும், பாரிஸ் காலநிலை ஒப்பந்தத்தின் கீழ் நிர்ணயிக்கப்பட்ட இலக்குகளை முன்கூட்டியே எட்டிய ஒரே ஜி-20 நாடு இந்தியா என்றும் அவர் தெரிவித்தார்.

புதுப்பிக்கத்தக்க எரிசக்தி உள்ளிட்ட தூய்மையான எரிசக்தித் துறைகளில் இந்தியா முன்னேற்றம் கண்டுள்ளதாகவும், வளர்ச்சியும் சுற்றுச்சூழல் பாதுகாப்பும் இணைந்து செல்ல முடியும் என்பதை இந்தியா காட்டி வருவதாகவும் பிரதமர் குறிப்பிட்டார்.

சுற்றுச்சூழல் மற்றும் காலநிலை சவால்களை எதிர்கொள்ள உலக நாடுகள் இணைந்து செயல்பட வேண்டும் என்றும் பிரதமர் வலியுறுத்தினார்.