உலகளாவிய விண்வெளிப் பொருளாதாரத்தில் இந்தியாவின் பங்கு உயரும்: பிரதமர் மோடி நம்பிக்கை!

தேசிய விண்வெளி தினத்தை முன்னிட்டு புதுடெல்லியில் நடைபெற்ற விண்வெளித்துறை ஸ்டார்ட்அப் நிறுவனங்களின் தலைமைச் செயல் அதிகாரிகளுடனான (CEO) கலந்துரையாடலின் போதே பிரதமர் இதனைத் தெரிவித்தார்.

புதுமையான துறைகளில் அபார திறமையையும் துணிச்சலையும் வெளிப்படுத்தியுள்ள இந்திய இளைஞர்கள் அரசின் மீது வைத்துள்ள நம்பிக்கையே நாட்டின் நிலையான முடிவுகளுக்குக் காரணம் எனக் குறிப்பிட்ட அவர், இந்தியர்களிடம் இயல்பாகவே ஆபத்துகளை எதிர்கொள்ளும் திறன் அதிகம் இருப்பதால் விண்வெளித் துறையில் குறுகிய காலத்தில் தனித்துவமான இடத்தை உருவாக்க முடிந்துள்ளதாகப் பெருமிதம் தெரிவித்தார்.