சர்வதேச வர்த்தக பாதுகாப்பு: ஹூதி தாக்குதல்களை தடுக்க ஈரானை வலியுறுத்தியது சீனா!

செங்கடல் வழியிலான சர்வதேச வர்த்தகப் பாதை கடுமையாகப் பாதிக்கப்பட்டு வரும் நிலையில், ஈரானிய அதிகாரிகளுடனான சமீபத்திய சந்திப்புகளின் போது சீனா இந்த வலியுறுத்தலை மேற்கொண்டுள்ளது.

உலகளாவிய கப்பல் போக்குவரத்து மற்றும் சர்வதேச வர்த்தகத்தின் பாதுகாப்பை உறுதி செய்ய செங்கடலில் அமைதி திரும்புவது அவசியம் என சீனா சுட்டிக்காட்டியுள்ளது.

ஹூதி கிளர்ச்சியாளர்களுக்கு ஈரான் வழங்கி வரும் ஆதரவைக் குறிப்பிட்டு, அவர்கள் மீதுள்ள செல்வாக்கைப் பயன்படுத்தி தாக்குதல்களை நிறுத்த நடவடிக்கை எடுக்குமாறு பெய்ஜிங் கோரியுள்ளது.

செங்கடல் பகுதியில் தொடரும் பதற்றத்தால் சரக்குக் கப்பல்களின் போக்குவரத்துச் செலவு அதிகரித்துள்ளதோடு, ஆசிய-ஐரோப்பிய வர்த்தகப் பாதையிலும் தடங்கல்கள் ஏற்பட்டுள்ளன.

சீனாவின் இந்த ராஜதந்திர நடவடிக்கை, மத்திய கிழக்கு பிராந்தியத்தில் அமைதியை பேணவும், உலகளாவிய பொருளாதார ஸ்திரத்தன்மையை பாதுகாக்கவும் உதவும் என எதிர்பார்க்கப்படுகிறது.