அமெரிக்கப் போர்க்கப்பல் மீது ஈரான் தாக்குதல் முயற்சி: பதிலடியாக 5 எண்ணெய் டேங்கர்களைத் தாக்கி அழித்தது CENTCOM!

கடந்த இரண்டு நாட்களில் அமெரிக்கப் போர்க்கப்பல் மீது ஈரான் இருமுறை தாக்குதல் நடத்த முயன்றதற்குப் பதிலடியாக, ஈரானின் ஐந்து எண்ணெய் டேங்கர் கப்பல்கள் மீது அமெரிக்கப் படைகள் தாக்குதல் நடத்தியதாக அமெரிக்க மத்தியக் கட்டளை மையம் (Centcom) தெரிவித்துள்ளது.

ஓமன் வளைகுடாவில் ஈரானின் புரட்சிகரப் படைகளுடன் (IRGC) தொடர்புடைய நான்கு ஈரானிய எண்ணெய் கப்பல்களும், ஈரானின் வளைகுடா கடற்கரைக்கு அப்பால் உள்ள முக்கிய எண்ணெய் முனையமான ‘கர்க்’ (Kharg) தீவுக்கு அருகே இருந்த மற்றொரு கப்பலும் குறிவைக்கப்பட்டதாக ‘சென்ட்காம்’ மேலும் தெரிவித்தது.

இதற்குப் பதிலடியாக தெஹ்ரான் ஜோர்டானில் உள்ள அமெரிக்கத் தளம் ஒன்றின் மீது ஏவுகணைகளை ஏவியது.

எனினும், ஈரான் ஏவிய 20 ஏவுகணைகளில் 18-ஐத் தனது வான் பாதுகாப்பு அமைப்புகள் மூலம் சுட்டு வீழ்த்தியதாக ஜோர்டான் தெரிவித்தது.

பெப்ரவரி 28 அன்று ஈரான் மீது அமெரிக்காவும் இஸ்ரேலும் தாக்குதல்களை நடத்திய ஆறு மாதங்களுக்கும் மேலான நிலையில், கடந்த வாரத்தில் இரு நாடுகளுக்கும் இடையே பதிலடித் தாக்குதல்கள் தீவிரமடைந்துள்ளன.