பாக்ஸ் ஆபீஸில் 'இருமுடி கட்டு' : உலகளவில் ரூ. 103.55 கோடி வசூலித்து சாதனை!

திரையரங்குகளில் வெளியாகி ரசிகர்களிடையே மிகப்பெரிய வரவேற்பைப் பெற்று வரும் 'இருமுடி கட்டு' திரைப்படம், உலகளவில் ரூ. 103.55 கோடி வசூல் செய்து பாக்ஸ் ஆபீஸில் புதிய வரலாற்றுச் சாதனையைப் படைத்துள்ளது.

குடும்பங்கள் கொண்டாடும் வெற்றியாக உருவெடுத்துள்ள இத்திரைப்படம், வெளியானது முதல் அனைத்து திரையரங்குகளிலும் 'ஹவுஸ்ஃபுல்' காட்சிகளாக அரங்கேறி வருகிறது. பக்தி, குடும்ப உறவுகள் மற்றும் சிறந்த அழுத்தமான திரைக்கதையை மையமாகக் கொண்டு உருவாக்கப்பட்டுள்ள இத்திரைப்படம், ரசிகர்களின் உணர்வுகளைத் தொட்டுள்ளதால் அனைத்துத் தரப்பு மக்களையும் கவர்ந்துள்ளது.

படத்தின் வசூல் நிலவரம் குறித்து தயாரிப்பு நிறுவனம் வெளியிட்டுள்ள அதிகாரப்பூர்வ தகவலில், தமிழகத்தில் மட்டுமன்றி பிற மாநிலங்களிலும், வெளிநாடுகளிலும் எதிர்பார்த்ததை விட இருமடங்கு வரவேற்பு கிடைத்துள்ளதாகத் தெரிவிக்கப்பட்டுள்ளது.

பாக்ஸ் ஆபீஸ் சிறப்பம்சங்கள்:

முதல் வாரம்: ரூ. 45+ கோடி

இரண்டாவது வாரம்: ரூ. 38+ கோடி

வெளிநாட்டு வசூல்: ரூ. 20.55 கோடி

மொத்த உலகளாவிய வசூல்: ரூ. 103.55 கோடி

படத்தின் வெற்றி குறித்து இயக்குனர் மற்றும் படக்குழுவினர் கூறுகையில், "ரசிகர்கள் அளித்துள்ள இந்த பிரம்மாண்ட ஆதரவு எங்களுக்கு அளப்பரிய மகிழ்ச்சியை அளிக்கிறது. நல்ல கதையம்சம் உள்ள படங்களை தமிழ் சினிமா ரசிகர்கள் என்றும் கைவிட்டதில்லை என்பதற்கு 'இருமுடி கட்டு' திரைப்படத்தின் இந்த பிரம்மாண்ட வசூலே சாட்சி," என நெகிழ்ச்சியுடன் தெரிவித்துள்ளனர்.

திரையரங்குகளில் தொடர்ந்து மக்களின் பேராதரவோடு வெற்றிகரமாக ஓடிக்கொண்டிருக்கும் 'இருமுடி கட்டு', வரவிருக்கும் வாரங்களிலும் மேலும் பல வசூல் சாதனைகளைப் படைக்கும் என வர்த்தகப் பகுப்பாய்வாளர்கள் கணித்துள்ளனர்.