சுவிட்சர்லாந்தில் பத்திரிகையாளர்கள் வீதிப்போராட்டம்

சுவிட்சர்லாந்தின் புகழ்பெற்ற ஊடக நிறுவனமான 'தமிடியா', ஜெர்மன் மற்றும் பிரெஞ்சு மொழிப் பேசும் பகுதிகளில் உள்ள தனது செய்திப் பிரிவுகளில் 34 முழுநேரப் பணியிடங்களை ரத்து செய்யப் போவதாக அண்மையில் அறிவித்தது.

இதன் காரணமாக சுமார் 41 ஊழியர்களின் வேலை பறிபோகும் அபாயம் ஏற்பட்டுள்ளது.  இதைக் கண்டித்து, சுவிட்சர்லாந்தின் ஜூரிச் நகரில் உள்ள 'தமிடியா' நிறுவனத்தின் தலைமை அலுவலகத்திற்கு வெளியே ஊழியர்கள் போராட்டத்தில் குதித்தனர்.

இந்த ஆர்ப்பாட்டத்தில் பத்திரிகையாளர்கள், ஊடகத் துறை ஊழியர்கள் மற்றும் வாசகர்கள் உட்பட 400-க்கும் மேற்பட்டோர் கலந்துகொண்டு தங்களின் எதிர்ப்பை வெளிப்படுத்தினர்.