கரூர் கூட்ட நெரிசல் சம்பவம்: உயிரிழந்தவர்களின் குடும்பத்தினருக்கு முதல்வர் நேரில் ஆறுதல்!

இந்தத் துயரச் சம்பவத்தின் நினைவேந்தல் நாளில், அதில் உயிரிழந்த 41 பேரின் உருவப்படங்களுக்குத் தமிழக முதல்வர் நேரில் அஞ்சலி செலுத்தியதுடன், அவர்களின் குடும்பத்தினருக்குத் தன் ஆழ்ந்த இரங்கலையும் ஆறுதலையும் தெரிவித்துக் கொண்டார்.  

இது குறித்துப் பேசிய முதல்வர், "வேலுசாமிபுரத்தில் நிகழ்ந்த இந்தத் துயரச் சம்பவம் என் வாழ்நாளில் என்றும் ஆறாத ரணமாகவும், தீராத வலியாகவும் நிலைத்துவிட்டது. உயிரிழந்தவர்களின் குடும்பங்களுக்கு என் ஆழமான இரங்கலைத் தெரிவித்துக் கொள்கிறேன்" என மிகுந்த வேதனையுடன் குறிப்பிட்டார்.

இச்சம்பவத்தில் உயிரிழந்தவர்களின் குடும்பங்களுக்கு அரசின் சார்பில் ஏற்கனவே நிதியுதவிகள் வழங்கப்பட்டுள்ள நிலையில், பாதிக்கப்பட்ட குடும்பங்களுக்குத் தொடர்ந்து தேவையான உதவிகள் செய்து தரப்படும் என்றும் அரசு தரப்பில் உறுதியளிக்கப்பட்டது.