லடாக் இந்தியாவின் ஒருங்கிணைந்த பகுதி: சீனாவிற்கு வெளியுறவு அமைச்சகம் அதிரடி பதிலடி!

சமீபத்தில் லடாக் எல்லை விவகாரம் தொடர்பாக சீனா வெளியிட்ட கருத்துக்களுக்குப் பதிலளிக்கும் வகையிலேயே இந்திய வெளியுறவு அமைச்சகத்தின் செய்தித் தொடர்பாளர் இந்த விளக்கத்தை அளித்துள்ளார்.

இது குறித்து வெளியுறவு அமைச்சகம் மேலும் தெரிவிக்கையில்,

"லடாக் பகுதி எப்போதும் இந்தியாவின் பிரிக்க முடியாத ஓர் அங்கமாகவே இருந்துள்ளது; இனியும் அப்படியேதான் இருக்கும். இந்த நிதர்சனமான உண்மையை சீனா தன் விருப்பத்திற்கு ஏற்ப மாற்றிவிட முடியாது.

இந்தியாவின் எல்லைப் பகுதிகள் மற்றும் எல்லை மறுசீரமைப்பு தொடர்பான சீனாவின் தேவையற்ற கருத்துக்களை இந்தியா முற்றிலும் நிராகரிக்கிறது. எல்லைப் பகுதிகளில் அமைதியையும் இயல்பு நிலையையும் பேண சீனா முன்வர வேண்டும்" என வெளியுறவு அமைச்சகம் உறுதியாகத் தெரிவித்துள்ளது.