பிரான்ஸ் எல்லைப் பகுதியில் கடைகள் சூறை – வன்முறைக்கு எதிராக மக்கள் திரண்டனர்!

அன்னமாஸ் நகரில், நகர மன்றத்தின் முன்பு மேயருடன் சுமார் 200 பேர் திரண்டனர். அப்போது, அவசரகாலப் பணியாளர்களின் சேவைக்கு மேயர் நன்றி தெரிவித்தார். நிகழ்வின் இறுதியில், பிரான்ஸின் தேசிய கீதமான ‘லா மார்செய்லேஸ்’ பாடப்பட்டது.

அன்னசிய், தோனோன், க்ளூஸ் மற்றும் பொன்னெவில் ஆகிய நகரங்களிலும் இதேபோன்ற ஒன்றுகூடல்கள் நடைபெற்றன. கடைகள் மீதான தாக்குதல்கள் குற்றச்செயல்கள் எனத் தெரிவித்த உள்ளாட்சிப் பிரதிநிதிகள், அடுத்ததாகத் தங்கள் நகரமும் பாதிக்கப்படாது என எந்த நகராட்சியும் உறுதியாகக் கூற முடியாது என்று எச்சரித்தனர்.

இந்தப் பகுதிகளைச் சேர்ந்த பலர் தினமும் வேலைக்காக ஜெனீவாவுக்குச் சென்று வருகின்றனர். இந்நிலையில், வன்முறையால் பாதிக்கப்பட்டுள்ள மக்களின் நம்பிக்கையை மீட்டெடுத்து, பொதுமக்களிடையே அமைதியையும் பாதுகாப்பு உணர்வையும் நிலைநாட்டுவதே தற்போதைய முக்கிய நோக்கம் என உள்ளாட்சித் தலைவர்கள் தெரிவித்துள்ளனர்.