சுவிட்சர்லாந்தில் பன்றிகளுக்கு நுரையீரல் நோய்

சோலத்தூர்ன் மாகாணத்தில் கடந்த வாரம் இரண்டு பன்றி பண்ணைகள் காலி செய்யப்பட்டதில், 80 பெண் பன்றிகள் மற்றும் 50 இளம் பன்றிகள் வெட்டப்பட்டதுடன், 930 பன்றிகள் கொல்லப்பட்டுள்ளன. மேலும், ஆயிரத்து 200 இளம் பன்றிகள் உயிருடன் வேறு இடங்களுக்கு ஏற்றுமதி செய்யப்பட்டுள்ளன.

நோய் பரவலைத் தடுக்க இந்த நடவடிக்கைகள் மேற்கொள்ளப்பட்டதாக மாகாண கால்நடை சேவை தெரிவித்துள்ளது. நோயுற்ற பன்றிகள் உணவுக்காக வெட்டப்படுவதற்கு அனுமதிக்கப்படவில்லை என்றும் தெரிவிக்கப்பட்டுள்ளது.

சோலத்தூர்னில் மூன்று பண்ணைகள் தனிமைப்படுத்தப்பட்டுள்ள நிலையில், இரண்டு பண்ணைகள் சுத்தம் மற்றும் கிருமிநாசினி நடவடிக்கைகளுக்குப் பிறகு மீண்டும் நோயற்றதாக அறிவிக்கப்பட உள்ளன. மூன்றாவது பண்ணையில் கண்காணிப்பு நடவடிக்கைகள் அக்டோபர் இறுதி வரை தொடரும் என தெரிவிக்கப்பட்டுள்ளது.

லூசெர்ன் மாகாணத்தில் மட்டும் 10 பன்றி வளர்ப்பு பண்ணைகள் காலி செய்யப்பட்டு, சுமார் 4,500 பன்றிகள் பாதிக்கப்பட்டுள்ளன. இந்த நோய் மனிதர்களுக்கு ஆபத்தானது அல்ல என்றும், ஆரோக்கியமான பன்றிகளின் இறைச்சியை பாதுகாப்பாக உண்ணலாம் என்றும் அதிகாரிகள் தெரிவித்துள்ளனர்.