வள்ளலாருக்கு மு.க.ஸ்டாலின் மரியாதை: "ஆன்மநேய ஒருமைப்பாடு தழைத்தோங்க உறுதியேற்போம்!"

இது குறித்துத் தமது சமூக வலைத்தளப் பக்கத்தில் பதிவிட்டுள்ள முதலமைச்சர் மு.க.ஸ்டாலின், "மதமென்னும் பேய் பிடியாதிருக்க வேண்டும்" என்ற வள்ளலாரின் வரிகளைச் சுட்டிக்காட்டி வாழ்த்துச் செய்தியைப் பகிர்ந்துள்ளார்.

பசிப்பிணி போக்கும் 'தர்மச்சாலை' மற்றும் அனைத்து உயிர்களையும் ஒன்றாகக் கருதும் 'சமரச சுத்த சன்மார்க்கம்' ஆகிய நெறிகளை உலகிற்கு அளித்தவர் வள்ளலார் என அவர் தனது பதிவில் குறிப்பிட்டுள்ளார்.

மேலும், மனிதநேயமும் ஆன்மநேய ஒருமைப்பாடும் தழைத்தோங்க வள்ளலாரின் வழியில் சாதி, மத பேதமற்ற சமத்துவச் சமூகத்தைப் படைக்க அனைவரும் உறுதியேற்போம் என்றும் முதலமைச்சர் மு.க.ஸ்டாலின் கேட்டுக்கொண்டுள்ளார்.