செவ்வாய் கிரகத்தில் ரத்தினக் கற்கள்!

செவ்வாய் கிரகத்தில் ஆய்வு மேற்கொண்டு வரும் நாசாவின் ‘பெர்சிவிரன்ஸ்’ ரோவர், முக்கியமான கனிமக் கண்டுபிடிப்பை மேற்கொண்டுள்ளது.

கடந்த 2021ஆம் ஆண்டு பிப்ரவரி 18ஆம் தேதி செவ்வாய் கிரகத்தில் தரையிறங்கிய பெர்சிவிரன்ஸ் ரோவர், தற்போது ஜெஜீரோ கிரேட்டர் பகுதியில் ஆய்வு செய்து வருகிறது.

அங்கு ஒரு பாறையின் மீது தனது லேசர் கருவியைப் பயன்படுத்தி ரோவர் மேற்கொண்ட ஆய்வில், பூமியில் காணப்படும் ரத்தினக் கற்களுடன் தொடர்புடைய கனிமங்கள் வழக்கத்தைக் காட்டிலும் அதிகளவில் இருப்பது கண்டறியப்பட்டுள்ளது.

கோடிக்கணக்கான ஆண்டுகளுக்கு முன்பு, செவ்வாயின் பாறைகளில் ஏற்பட்ட பிளவுகள் வழியாக சூடான நீர் பாய்ந்தபோது இந்தக் கனிமங்கள் உருவாகியிருக்கலாம் என நாசா விஞ்ஞானிகள் தெரிவித்துள்ளனர்.செவ்வாயில் ஒருகாலத்தில் நீர் இருந்ததற்கான சாத்தியக்கூறுகள் குறித்த ஆய்வில், இந்தக் கண்டுபிடிப்பு முக்கியத்துவம் வாய்ந்ததாகக் கருதப்படுகிறது.