சுவிஸ் இராணுவத்தில் பாகுபாட்டைத் தடுக்க நடவடிக்கைகள் தீவிரம்

2024-ஆம் ஆண்டு நடத்தப்பட்ட ஆய்வில், சுமார் ஆயிரத்து 100 இராணுவ வீரர்களில் கிட்டத்தட்ட பாதி பேர், தங்களது சேவைக் காலத்தில் பாகுபாடு அல்லது பாலியல் வன்முறையை எதிர்கொண்டதாக தெரிவித்திருந்தனர்.

இதையடுத்து, திட்டமிடப்பட்ட 16 நடவடிக்கைகளில் எட்டு நடவடிக்கைகள் தற்போது நடைமுறைக்கு கொண்டுவரப்பட்டுள்ளன. புதிதாக இணையும் இராணுவ வீரர்களுக்கான கட்டாய இணையவழிப் பயிற்சியும் இதில் அடங்குகிறது. இதுவரை சுமார் 20 ஆயிரம் பேர் இந்தப் பயிற்சியை நிறைவு செய்துள்ளனர்.

மேலும், பெயர் குறிப்பிடாமல் புகார் அளிக்கும் வசதியும் அறிமுகப்படுத்தப்பட்டுள்ளது. இராணுவத்தில் மரியாதை மற்றும் சமத்துவத்தை உறுதி செய்யும் பணிகள் தொடர்ந்து கண்காணிக்கப்படும் என்றும் அதிகாரிகள் தெரிவித்துள்ளனர்.