மெக்கா, மதீனா பிராந்தியங்களை நோக்கி வந்த ஏவுகணைகள் சுட்டு வீழ்த்தப்பட்டன!

இடைமறித்து அழிக்கப்பட்ட ஏவுகணைகளின் சிதைவுகள் மெக்கா மற்றும் மதீனா பிராந்தியங்களில் உள்ள சில பகுதிகளில் விழுந்துள்ளதாகச் சவுதி சிவில் பாதுகாப்புத் திணைக்களம் உறுதிப்படுத்தியுள்ளது. இருப்பினும், இதில் உயிர்ச்சேதம் எதுவும் ஏற்படவில்லை என அறிவிக்கப்பட்டுள்ளது.

முன்னதாக, மெக்கா, ஜெத்தா, தாயிப் மற்றும் யான்பு உள்ளிட்ட பகுதிகளில் உள்ள மக்களுக்குச் சாத்தியமான அபாய எச்சரிக்கை விடுக்கப்பட்ட போதிலும், குறுகிய நேரத்தில் வான் பாதுகாப்புப் படையினர் அந்த அச்சுறுத்தலை வெற்றிகரமாக முறியடித்தனர்.  

இதேவேளை, புனிதப் பகுதிகளை இலக்கு வைத்துத் தாக்குதல் நடத்தவில்லை என்றும், சவுதியின் எண்ணெய் சுத்திகரிப்பு நிலையங்கள் மற்றும் இராணுவ விமான நிலையங்களையே தாம் இலக்கு வைத்ததாகவும் ஹூதி அமைப்பு தெரிவித்துள்ளது.

எவ்வாறாயினும், புனிதத் தலங்கள் உள்ள பகுதிகளின் பாதுகாப்பைச் சவுதி அரேபியா மேலும் பலப்படுத்தியுள்ளது.